Tē 2 tián-sī-thiann, í ta̍k-tsióng bô-kâng ê kak-tōo tshut-huat, uì hî, lông, phah-la̍h, ka-thiok, khiā-ke, khì-kū, tsng-thānn tsit 7 ê tsú-tê lâi liáu-kái Lâm-kho tē-khu sian-bîn ê bu̍t-tsit bûn-huà, siā-huē bûn-huà, tsing-sîn bûn-huà. Pún-thiann tián-tshut tsiânn-pah kiānn khó-kóo óo tshut--lâi bô-kâng sìng-tsit kap kong-lîng ê mi̍h-kiānn, koh kin-kì khó-kóo gián-kiù ê sîng-kó sóo ho̍k-guân ê sú-tsiân sing-ua̍h ì-siōng. Kiânn--ji̍p-khì tián-sī-

thiann, m̄-nā ē-tàng khuànn-tio̍h bô-kâng kak-tōo ê kóo-tsá sing-ua̍h tsîng-kíng, koh-ē-tàng khuànn-tio̍h tsóo-sian in sóo lâu--lo̍h-lâi ê ta̍k-tsióng ū ì-gī, koh kî-khá ê mi̍h-kiānn.

 Sui-bóng tsu-guân hong-hù m̄-koh mā put-sî ài bīn-tuì tsū-jiân khuân-kíng ê bô ún-tīng-sìng, sian-bîn sī án-tsuánn pī-pān ta̍k-kang ê tsia̍h-mi̍h? In sī án-tsuánn tsò ji̍t-siông sing-ua̍h su-iàu ê iōng-phín? Kò-jîn kap thuân-thé ê hōo-tōng kuan-hē kám ū lâu siánn-mih suànn-soh hōo lán khe-khó?

Tsia--ê būn-tê kap tap-àn, tán lí tsham-kuan Tē 2 tián-sī-thiann liáu-āu, tsū-jiân tō liáu-kái--ah.