King-kuè tsa̍p-guā-tang ê khó-kóo khang-khuè, Lâm-kho tshut-thóo ê bûn-bu̍t tsit-liōng long-ú hōo-lâng liāu-sióng bē-tio̍h ê huat-hiān. Tsit-má Lâm-kho hn̂g-khu tshut-thóo ê khó-kóo piau-pún tāi-khài hun-tsò 4 luī, ū lâng-kut piau-pún kap bâi-tsòng khì-kū, sing-thài piau-pún, uî-bu̍t piau-pún kap khó-kóo hiān-siōng.

Tián-sī khong-kan ti̍k-pia̍t thîng-hiān khah hán-tit tī kong-khai ê phok-bu̍t-kuán bûn-bu̍t pó-tsûn kap î-hōo khang-khuè.

Í Lâm-kho khó-kóo uî-tsí óo bōng-khut ê kuè-tîng tsò-lē, suat-bîng khó-kóo uî-bu̍t uì hiān-tiûnn óo tshut--lâi kàu tsìn-li̍p phok-bu̍t-kuán liáu-āu ê î-hōo kap pó-tsûn ê kuè-tîng.

Tshut-thóo bûn-bu̍t tsíng-lí ê khang-khuè tsin kāu-kang, su-iàu tsin-tsē jîn-li̍k, bu̍t-tsu tsu-guân tâu-ji̍p, Lâm-kho Khó-kóo-kuán sîng-li̍p liáu-āu koh-khah su-iàu tāi-liōng ê gián-kiù sîng-kó, thang tsìn tsi̍t-pōo thui-sak tián-sī kè-uē.