Tàn-sing
1995 nî 12--goe̍h, Tiong-iong Gián-kiù-īnn Li̍k-sú Gí-giân Gián-kiù-sóo Tsong Tsìn-huâ īnn-sū tsiap-siū Hîng-tsìng-īnn Kok-ka Kho-ha̍k Uí-uân-huē ê uí-thok tī Lâm-kho tsit-ê sóo-tsāi tsìn-hîng khó-kóo uî-tsí tiâu-tsa, kàu-tann pau-hâm pinn-á sin khai-huat ê Tâi-lâm ti̍k-tīng kang-gia̍p-khu kap Tshiū-kok kang-gia̍p hn̂g-khu, í-king huat-hiān 82 uī khah-ke ê khó-kóo uî-tsí. Kî-tiong Sú-tsiân-kuán tsìn-hîng tshiúnn-kiù óo--tshut-lâi--ê, tō ū 32 uī, tâi tī thôo-kha-té ê sú-tsiân bûn-huà uî-tsí, siōng-tsá kàu 5000 tang tsîng, siōng-uànn kàu 300 guā-tang tsîng, tsóng-kiōng hâm-kài 4500 tang ê sî-kan huān-uî, pau-kuat Tuā-pùn-khenn, Gû-tiâu-tsú, Tuā-ôo, Tsiáu-tshîng, Siraya kap Bîng, Tshing, Hàn-jîn lóng-tsóng 6 ê bûn-huà-tsàn.
Uī-tio̍h beh pó-tsûn Tâi-lâm kho-ha̍k hn̂g-khu sóo tshiúnn-kiù óo tshut--lâi ê tin-kuì bûn-huà tsu-sán, 2002 nî Kok-kho-huē kap Tâi-lâm kuān-tsìng-hú thê-tshut khí Phok-bu̍t-kuán ê kiàn-gī, tī 2003 nî 4--gue̍h Kàu-io̍k-pōo tsí-tīng Kok-li̍p Tâi-uân Sú-tsiân Bûn-huà Phok-bu̍t-kuán (kán-tshing Sú-tsiân-kuán) pó-kuán Lâm-kho hn̂g-khu tshut-thóo ê bûn-bu̍t kap pān-lí kiàn-tsō phok-bu̍t-kuán ê sū-hāng. Uì 2003 nî 4--gue̍h kàu 2004 nî 12--gue̍h Kàu-io̍k-pōo lóng-tsóng tiàu-tsi̍p 5 pái “ Tsham-siông siat-li̍p Kok-li̍p Tâi-uân Sú-tsiân Bûn-huà Phok-bu̍t-kuán Lâm-kho hun-kuán pó-tsûn Lâm-kho hn̂g-khu tshut-thóo bûn-bu̍t ê khó-lîng-sìng kap siong-kuan sū-hāng” ê huē-gī, guân-tsik-siōng tông-ì sin-tan-uī tsò Sú-tsiân-kuán ê hun-kuán.
King-kuè tsiânn-tsē hong-bīn ê phah-piànn, Hîng-tsìng-īnn tsóng-sǹg tī 2007 nî tap-ìng, 2008 nî 2--gue̍h hōng Hîng-tsìng-īnn tē-jī-pái hi̍k-tīng, kiàn-tsō king-huì 15 ik, tē-tiám suán tī Lâm-pōo Kho-ha̍k Kang-gia̍p hn̂g-khu kuán-iōng-tē, thóo-tē ū 2.44 kong-khíng khuah.
-
2012 nî Sú-tsiân-kuán kái sio̍k Bûn-huà-pōo
-
2014 nî 6--gue̍h Lâm-kho-kuán sin-kiàn kang-tîng tāng-kang.
-
2017 nî 12--gue̍h Lâm-kho-kuán sin-kiàn kang-tîng uân-kang, the̍h-tio̍h sú-iōng tsip-tsiàu.
-
2018 nî 12--gue̍h tīng-miâ “Kok-li̍p Tâi-uân Sú-tsiân Bûn-huà Phok-bu̍t-kuán Lâm-kho Khó-kóo-kuán” khai-sí tshì-giām îng-ūn.
-
2019 nî 10 gue̍h 19, tsìng-sik tuì-guā îng-gia̍p.
Uán-kíng
-
Hó-hó-á pó-tsûn kap gián-kiù Lâm-kho tshut-thóo ê bûn-huà tsu-sán.
-
Tián-sī Lâm-kho tshut-thóo ê bûn-bu̍t.
-
Thui-kóng khuân-kíng kap hiong-thóo bûn-huà kàu-io̍k.
-
Thê-kiong tē-hng tì-sik hiu-hân kap kuan-kong ê iu-liông tiûnn-sóo.
-
Khok-tián Sú-tsiân-kuán ê ho̍k-bū kong-lîng.
